અત્યાર સુધી સૂટકેસ અને કન્ટેનરમાંથી લાશ મળી આવતી હતી પરંતું આ હરીયાણાની આ ઘટનામાં સૂટકેસમાંથી જીવતી જાગતી ગર્લફ્રેન્ડ મળી આવી છે અને તે પણ બોય્સ હોસ્ટેલમાં..! આ ઘટનામાં હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. આ વીડિયોમાં એક વિદ્યાર્થી તેની ગર્લફ્રેન્ડને સુટકેસમાં ભરીને બોયસ હોસ્ટેલમાં લાવવાનો પ્રયાસ કરતો પકડાઈ ગયો હોવાનું દેખાઈ રહ્યું છે. આ વાયરલ વીડિયો હરિયાણાના સોનીપતની એક યુનિવર્સિટીના બોયસ હોસ્ટેલનો હોવાનું કહેવાઈ રહ્યું છે. વાયરલ વીડિયોમાં દેખાઈ રહ્યું છે કે એક યુવક એક યુવતીને ટ્રોલી બેગમાં ભરીને સંતાડીને બોયસ હોસ્ટેલમાં લાવવાનો પ્રયાસ કરી રહ્યો છે. હોસ્ટેલના ગાર્ડ્સે આ વિદ્યાર્થીને રોક્યો અને સામાન ખોલીને ચેક કર્યું તો બેગમાંથી યુવતી નીકળી. આ ઘટનાનો વીડિયો હવે ઓનલાઈન વાયરલ થઈ રહ્યો છે. જો કે સંદેશ ન્યુઝ આ વીડિયોની પુષ્ટિ કરતુ નથી.
સૂટકેસમાંથી ગર્લફ્રેન્ડ મળી આવી
વીડિયોમાં સિક્યોરિટી ગાર્ડ્સ સુટકેસ ખોલે છે તો એક છોકરી આ બેગમાંથી બહાર નીકળે છે. એક સાથી વિદ્યાર્થીએ આ સમગ્ર ઘટના કેમેરામાં રેકોર્ડ કરી લીધી. હોસ્ટેલ સ્ટાફ અથવા યુનિવર્સિટી વહીવટીતંત્રને કેવી રીતે ખબર પડી કે કોઈ સુટકેસમાં છુપાયેલું છે તે સ્પષ્ટ નથી થયું. છોકરીની ઓળખની પણ પુષ્ટિ થઈ નથી, અને તે પણ સ્પષ્ટ નથી કે તે તે જ યુનિવર્સિટીની વિદ્યાર્થીની છે કે બહારની. સોશિયલ મીડિયા યુઝર્સે દાવો કર્યો છે કે તે છોકરાની ગર્લફ્રેન્ડ છે. દરમિયાન, કેટલાક અહેવાલો અનુસાર, જ્યારે બેગ કોઈ વસ્તુ સાથે અથડાઈ ત્યારે તે ચીસ પાડી ઉઠી, જે ગાર્ડ સાંભળી ગયો.
યુનિવર્સિટીએ આ ઘટના અંગે હજી કોઈ રિએક્ટ કર્યું નથી
યુનિવર્સિટી તરફથી આ ઘટના અંગે હજુ સુધી કોઈ સત્તાવાર નિવેદન આવ્યું નથી. વીડિયોએ હોસ્ટેલની સુરક્ષા અને પરિસ્થિતિને કેવી રીતે કંટ્રોલ કરવામાં આવી તે અંગે સવાલો ઉભા કર્યા છે. યુનિવર્સિટીએ જાહેર કર્યું નથી કે શું વિદ્યાર્થી કે છોકરી સામે કોઈ કાર્યવાહી કરવામાં આવી છે. યુનિવર્સિટીએ જો આ કેસમાં કોઈ શિસ્તબદ્ધ પગલાં લીધા છે કે કેમ, અને જો લીધા છે તો તે અંગે કોઈ અપડેટ આપી નથી કે નિવેદનો શેર કર્યા નથી.
