ગ્રામ પંચાયત ચૂંટણી 2025ના પરિણામ આવી રહ્યા છે. ત્યારે નવસારીના જલાલપોર તાલુકાના સાગરા ગામમાં ઇતિહાસ રચાયો છે. અહીં મહિલા સરપંચે બાજી મારી છે. સૌ પ્રથમવાર સરપંચ પદ માટે કોઇ મહિલાએ ઉમેદવારી કરી હતી. અને જનતાએ વિશ્વાસ રાખીને તેમને મત આપ્યા હતા. સાગરા ગામમાં મહિલા ઉમેદવાર રિંકલ પટેલની જંગી બહુમતી સાથે જીત થઇ છે. નારી શક્તિની જીત થતા સમગ્ર પંથકમાં ખુશીની લહેર જોવા મળી રહી છે.
સાગરા ગામમાં રચાયો ઇતિહાસ
નવસારીના સાગરા ગામને સૌપ્રથમ મહિલા સરપંચ મળ્યા છે. હવે ગ્રામ પંચાયતનું સંચાલન મહિલા કરશે. મહિલાની ઉમેદવારીને જોતા અહીં મતદાનનું સ્તર પણ વધ્યુ હતુ. જનતાના વિશ્વાસને ઢાલ બનાવીને વિજેતા ઉમેદવાર રિંકલ પટેલ કાર્યભાર સંભાળશે. નવસારી જિલ્લો તેની સુંદરતા માટે જાણીતો છે. અને જલાલપોર તાલુકો ભારત દેશના પશ્ચિમ ભાગમાં આવેલો છે. જલાલપોર તાલુકામાં મુખ્યત્વે દરિયાકાંઠાના ગામો આવેલાં છે. અહીં કામકાજને આગળ વધારવું રિંકલ પટેલ માટે પડકાર હોઇ શકે છે.
ગ્રામ પંચાયત ચૂંટણી 2025ના પરિણામ જાહેર
નવસારી જલાલપોર સહિત વિવિધ સ્થળોના પરિણામ જાહેર થઇ રહ્યા છે. વિજેતા ઉમેદવાર પોતાની જીત કાર્યકરો અને જનતા સાથે રહીને ઉજવી રહ્યા છે. તો ચૂંટણીમાં હારી જનાર ઉમેદવાર પોતાની હાર સ્વીકારી પોતાની ભૂલ પર ધ્યાન આપશે. ચૂંટણીમાં મહિલા ઉમેદવારની જીત માટે અલગ જ માહોલ જોવા મળ્યો છે. મહિલાની જીતે નારી શક્તિની સિદ્ધ કરી છે. તેથી નવસારી જિલ્લાના જલાલપોર તાલુકાના સાગરા ગામમાં ભાવુક ખુશીનો ક્ષણ જોવા મળ્યો છે.
